سری نگر:اینٹی کرپشن بیرو (اے سی بی) کے بیورو کو ستھرا شاہی، سری نگر کے ایک رہائشی کی جانب سے ایک شکایت موصول ہوئی جس میں شکایت کنندہ نے الزام عائد کیا کہ صنعتی یونٹ کی توسیع کے لیے انہوں نے جموں و کشمیر بینک سے مالی مدد کی درخواست کی تھی ACB Traps, arrests SIDCO Manager اور لون کے اجرا کے لئے بینک نے ان سے آئی ڈی سی او (جموں و کشمیر اسٹیٹ انڈسٹریل ڈیولپمنٹ کارپوریشن) صنعت گھر بمنہ، سرینگر سے اجرا کی گئی این او سی طلب کی۔
شکایت کنندہ کے مطابق انہوں نے فائل تیار کی اور تمام ضروری کاغذات مکمل کیے اور این او سی کے لیے سڈکو آفس بمنہ سے رجوع کیا۔ اے سی بی کے مطابق وہاں تعینات اسٹیٹ مینیجر فیاض احمد خان نے شکایت کنندہ کے حق میں مطلوبہ این او سی جاری کرنے کے لیے اپنے لئے 5 ہزار اور جنرل منیجر کے لیے 1 لاکھ روپے کا مطالبہ کیا۔ شکایت کنندہ نے 1.05 لاکھ روپے کی رشوت طلب کرنے پر بدعنوان افسران کے خلاف ضروری قانونی کارروائی کی درخواست کے لیے اے سی بی سے رجوع کیا۔