پندرہ برس پرانی گاڑیوں پر پابندی

حکومت نے محکمہ ٹریفک کے حکام کو ہدایت دی ہے کہ وہ 31 دسمبر 2005 کو رجسٹر شدہ کسی بھی گاڑی کے کاغذات کی تجدید اب کسی بھی صورت میں نہ کریں۔

جموں و کشمیر میں پندرہ برس پرانی نجی اور کمرشیل گاڑیوں کو عنقریب ہی کنڈم قرار دیا جائے گا۔ حکومت نے محکمہ ٹریفک کے حکام کو ہدایت دی ہے کہ وہ 31 دسمبر 2005 کو رجسٹر شدہ کسی بھی گاڑی کے کاغذات کی تجدید اب کسی بھی صورت میں نہ کریں۔

مرکزی وزیر برائے روڈ ٹرانسپورٹ و ہائے ویز نے جموں و کشمیر کی حکومت کو ہدایات دی ہے کہ مرکزی زیر انتظام جموں و کشمیر میں 15 برس پرانی گاڑیوں کو چلنے کی اجازت نہ دیے جائے اور ساتھ ہی ایسی گاڑیوں کی فٹنس سرٹفیکیٹ اور دوسرے ضروری کاغذات کی تجدید کا کام بند کریں۔

اس ضمن میں جموں و کشمیر کے تمام آر ٹی اوز کو ہدایات جاری کی گئ ہے کہ وہ 15 برس پرانے کسی بھی نجی یا مسافر بردار گاڑی کے کاغذات دوبارہ نہ بنائیں۔

حکومت کی جانب سے مزید کہا گیا ہے کہ 31 دسمبر 2020 سے یہ حکمنامہ جموں و کشمیر میں سختی سے لاگو کیا جائے گا جبکہ 31 دسمبر 2005 کو رجسٹر شدہ کسی بھی گاڑی کو سڑکوں پر چلنے کی اجازت نہیں ہوگی۔ اگر کوئی شخص اپنی 15 سالہ پرانی نجی گاڑی یا کوئی ٹرانسپورٹ ایسوسی ایشن یا کاروباری ادارے سے منسلک کوئی کمرشل گاڑی سڑکوں پر چلائی گا تو اس شہری، ادارے یا ایسوسی ایشن کے خلاف قانون کے تحت کاروائی عمل میں لائی جائی گی۔

ادھر اب بہت جلد 15 سال پرانی گاڑیوں کو کنڈم قرار دے کر سڑکوں پر چلانے پر مکمل پابندی عائد کر دی جائے گی۔