Search operation in Shopian شوپیاں کے مارہینگ کیگام علاقہ میں سرچ آپریشن

پہاڑی ضلع شوپیاں کے مارہینگ کیگام علاقے میں سکیورٹی فورسز کو عسکریت پسندوں کی موجودگی کی اطلاع موصول ہوئی ہے۔ فوج پولیس اور سی آر پی ایف نے علاقہ کو محاصرے میں لیا اور تلاشی آپریشن شروع کیا۔Caso In Shopian

شوپیاں:فورسز اہلکاروں نے شوپیاں ضلع کے مارہینگ کیگام علاقے میں عسکریت پسندوں کی موجودگی کی اطلاع موصول ہونے کے بعد علاقہ کو محاصرے میں لیکر تلاشی آپریشن شروع کیا ہے۔
تفصیلات کے مطابق سی آر پی ایف کی 14 بٹالین اور جموں و کشمیر پولیس نے شوپیاں کے مارہینگ کیگام علاقے میں عسکریت پسندوں کی موجودگی کی اطلاع ملنے کے بعد تلاشی آپریشن شروع کیا ہے۔ سکیورٹی فورسز نے علاقہ کے تمام خارجی اور اندرونی راستوں کو سیل کر دیا ہے اور کسی بھی شخص کو علاقہ کی اور جانے کی اجازت نہیں دی جارہی ہے ۔یہ خبر تحریر کرنے تک علاقے میں گھر گھر تلاشی آپریشن شروع ہے۔

واضح رہے کہ سکیورٹی فورسز نے شوپیاں کے چیک کیلر علاقے میں عسکریت پسندوں کے دو معاون کو اسلحہ و گولہ بارود سمیت گرفتار کرنے کا دعویٰ کیا ہے۔ پولیس کے مطابق گرفتار معاون عسکریت پسند تنظم کے وابستہ ہے۔ Militant Associates Arrested in Shopian