جنوبی کشمیر کے ضلع شوپیان میں گزشتہ ہفتہ کے دوران فورسز اہلکار جن میں فوج،سی آر پی ایف اور جموں و کشمیر پولیس شامل ہے نے قریب دو درجن سے زائد گاؤں کا محاصرہ کرکے گھر گھر تلاشی کارروائیاں عمل میں لائی تاہم ابھی تک فورسز اہلکاروں اور عسکریت پسندوں کے بیچ امنا سامنا نہ ہوا۔
ضلع شوپیان کے ترینج علاقے کو پیر کی صبح سے فوج کی 44 آر آر پی ایف اور ایس او جی شوپیان نے مشترکہ طور پر محاصرے میں لیکر تلاشی کارروائیاں شروع کردی ہے۔ جو یہ خبر لکھنے تک جاری تھا۔
فورسز اہلکاروں نے خفیہ اطلاع ملنے پر علاقے کو محاصرے میں لے کر گھر گھر تلاشی کارروائیاں شروع کردی ہیں۔اس دوران ترینج نامی گاؤں کے داخلی اور خارجی راستوں پر پہرے بٹھائے گے اور کسی کو گاؤں میں داخل ہونے کی اجازت نہیں دی گئی۔
