IED recovered in Shopian شوپیان میں برآمد آئی ای ڈی کو ناکارہ بنادیا گیا

جنوبی کشمیر کے شوپیان ضلع میں فوج نے ایک آئی ای ڈی برآمد کیا جسے بعد میں ناکارہ بنادیا گیا۔

شوپیان: جنوبی کشمیر کے ضلع شوپیان میں فورسز اہلکاروں نے ایک آی ای ڈی کو ناکارہ بنا دیا ہے۔ تفصیلات کے مطابق ضلع شوپیان کے شرمال علاقے میں عسکریت پسندوں نے سڑک پر فورسز اہلکاروں کو نشانہ بنانے کی غرض سے ایک آی ای ڈی نصب کرکے رکھی تھی تاہم فوج اور فورسز اہلکاروں نے اس کوشش کو ناکام کردیا اور اس آی ای ڈی کو زور دار دھماکہ کے ساتھ ناکارہ بنا دیا۔ فورسز اہلکاروں نے علاقے کو محاصرے میں لیکر عسکریت پسندوں کو ڈھونڈ نکالنے کی کوششیں شروع کر دی ہے۔