مسجد میں صفائی کے دوران آتشزدگی، دو افراد زخمی

ریاست جموں و کشمیر کے ضلع شوپیان کے چوگام نامی علاقے میں مسجد میں صفائی کے دوران آگ لگ گئی جسکی وجہ سے دو افراد جھلس گئے۔

ضلع شوپیان کے چوگام نامی علاقے میں لگی آگ میں دو افراد جھلس گئے جنہیں بعد میں علاج و معالجہ کے لئے ضلع ہسپتال شوپیان سے سرینگر منتقل کیا گیا۔

مقامی لوگوں کے مطابق مسجد کے غسل خانہ میں صفائی کے دوران آگ لگ گئی جسکی وجہ سے دو مقامی افراد محمد یاسین ڈار اور محمد یوسف ڈار زخمی ہوگئے۔

مقامی لوگوں کی طرف سے آگ پر قابو پالیا گیا، اس آتشزدگی کی وجہ سے مسجد کو کافی نقصان پہنچا ہے۔