شوپیاں تصادم میں چارعسکریت پسند ہلاک

جنوبی کشمیر کے ضلع شوپیاں کے کلورہ نامی علاقے میں جمعے کو ہونے والے تصادم میں چار عسکریت پسندوں کے ہلاک ہونے کی اطلاع ہے۔

جنوبی کشمیر کے ضلع شوپیاں کے کلورہ نامی علاقے میں جمعے کو عسکریت پسند اور سیکورٹی فورسز کے درمیان ہونے والے ایک مسلح تصادم میں چار عسکریت پسند مارے گئے جبکہ ایک عسکریت پسند نے خودسپردگی اختیار کی ہے۔

دفاعی ترجمان نے بتایا کہ شوپیاں کے کلورہ میں چلایا جانے والا عسکریت پسند مخالف آپریشن چار عسکریت پسندوں کی ہلاکت پر ختم ہوگیا ہے۔ انہوں نے کہا کہ ایک عسکریت پسند نے خودسپردگی کی ہے۔

دفاعی ترجمان نے مزید بتایا کہ مسلح تصادم کی جگہ سے دو اے کے 47 رائفلیں اور تین پستولیں برآمد کی گئی ہیں۔

جموں و کشمیر پولیس کے ایک ترجمان نے بتایا کہ شوپیاں کے کلورہ میں ہونے والے ایک تصادم میں چار عدم شناخت عسکریت پسند مارے گئے ہیں۔

انہوں نے مزید کہا کہ علاقے میں تلاشی آپریشن جاری رکھا گیا ہے۔

کشمیر کے انسپیکٹر جنرل آف پولیس وجے کمار نے کہا کہ 'آج کے تصادم میں البدر کا ضلع کمانڈر شکور پرے اور سہیل بھٹ جو سرپنچ خان محمد کا قاتل ہے، ہلاک کر دیے گئے ہیں۔