جنوبی کشمیر کے شوپیان ضلع میں کورونا وائرس کے سبب تین دن سے جاری لاک ڈاؤن کے بعد پیر سے نرمی کردی گئی ہے۔ جس کے بعد مختلف ضلع میں واقع بازار کھل گئے ہیں اور کاروبار زندگی کسی حد تک بحال ہونا شروع ہوگیا ہے۔
ضلع انتظامیہ شوپیان کی جانب سے اجازت کے بعد پیر کے گزشتہ روز سے کاروبار بحال ہو گیا ہے۔
واضح رہے کہ جنوبی کشمیر کے سبھی اضلاع میں گزشتہ چار روز سے مسلسل لاک ڈاؤن جاری ہیں جبکہ ضلع شوپیان میں آج سے انتظامیہ نے لاک ڈاؤن میں نرمی دینے کا فیصلہ لیا جسکے بعد ضلع میں لوگوں کی اچھی تعداد نے بازاروں کا رخ کیا اور ضروری اشیاء کے ساتھ ساتھ دیگر چیزوں کی بھی خریداری کی۔
ادھر ضلع انتظامیہ شوپیان نے لوگوں سے گزارش کی ہے کہ وہ ایس او پیز کا پورا خیال رکھنے کے ساتھ ساتھ سماجی دوری برقرار رکھیں تاکہ ضلع میں لاک ڈاؤن لگانے کی ضرورت نہ پڑے ساتھ ہی لوگوں کو بتایا کہ وہ بلاوجہ گھروں سے باہر نکلنے سے پرہیز کریں۔