شوپیان: جنوبی کشمیر کے ضلع شوپیان میں فوج کی جانب سے 'جشن چلہ کلان' کے عنوان سے تقریب کا اہتمام کیا گیا۔ اس تقریب میں فوج و پولیس افسران،ضلع انتظامہ کے افسران، مقامی افراد اور طلبہ سمیت بڑی تعداد میں لوگوں نے شرکت کی۔ اس دوران فوج کی جانب سے مدعو کیے گئے فنکاروں اور گلوکاروں نے اپنی فنی صلاحیتوں کا مظاہرہ کر کے حاضرین کو محظوظ کیا۔ Chillai Kalan in Kashmir
چلہ کلاں فیسٹیول جسے 'فیسٹیول آف فیسٹیولز' بھی کہا جاتا ہے، جنوبی کشمیر کا 2 روزہ سالانہ ثقافتی میلہ ہے جو لوک رقص، روایتی موسیقی، مقامی کھانوں، دستکاری اور آرٹ ورکشاپس وغیرہ کے ذریعے بھرپور اور متنوع کشمیری ثقافت کی نمائش کرتا ہے۔ یہ فیسٹیول شوپیان میں سیاحت کی حوصلہ افزائی اور کشمیری ورثے کی انفرادیت کو برقرار رکھنے اور انہیں تحفظ فراہم کرنے کے لیے منایا جاتا ہے۔ اس کا اہتمام فوج نے سرکاری محکموں کے تعاون سے کیا ہے۔ اس دوران شوپیان کے ڈپٹی کمشنر سچن کمار نے بطور مہمان خصوصی تقریب میں شرکت کی۔
مقامی لوگوں نے اس شاندار تقریب کے انعقاد پر شہری انتظامیہ اور فوج کی اجتماعی کوششوں کو سراہتے ہوئے کہا کہ 'اس طرح کی تقریب ہر فرد کی ذہنی اور جسمانی طاقت کو بڑھاتی ہے اور تناؤ کا شکار لوگوں کو راحت فراہم کرتی ہے۔ واضح رہے کہ جشن چِلّہ کلاں ایک سالانہ تہوار ہے اور شوپیاں میں اس کی آمد پر جشن منایا جاتا ہے۔