شوپیاں: دس روز بعد ریچھ پر قابو پایا جاسکا

جنوبی کشمیر کے ضلع شوپیان میں دس روز بعد محکمہ وائلڈ لائف نے مقامی لوگوں کی مدد سےعلاقے میں موجود ریچھ کو پکڑ لیا ہے۔ اس سے مقامی لوگوں میں خوشی ہے۔

دس روز قبل ضلع شوپیان کے پنجورہ نامی گاؤں میں ایک ریچھ نمودار ہوا جس کے بعد پورے گاؤں میں خوف و ہراس کا ماحول پیدا ہوا۔ ریچھ کی وجہ سے لوگ گھروں سے باہر نکلنے میں خوف محسوس کر رہے تھے۔

محکمہ وائلڈ لائف کو ریچھ کی موجودگی کا پتا چلنے کے بعد محکمہ نے کئی اہلکاروں کے ساتھ علاقے میں ریچھ کو پکڑنے کے لیے آئے۔ تاہم آج دس روز بعد محکمہ وائلڈ لائف کے اہلکاروں نے مقامی لوگوں کی مدد سے اس ریچھ کو اپنے قابو میں کر لیا۔

ریچھ کو بیہوش کرکے داچھی گام نیشنل پارک میں چھوڈا جائیگا۔ ریچھ کو پکڑنے میں کامیابی حاصل کرنے والے محکمہ وائلڈ لائف کے اہلکاروں کی مقامی لوگوں نے تعریف کی۔ مقامی لوگوں نے بتایا کہ محکمہ نے اس ریچھ کو پکڑنے کے لیے کڑی مشقت کی۔