شوپیان میں انکاؤنٹر، 4 عسکریت پسند ہلاک

جموں و کشمیر کے ضلع شوپیان کے ملہورہ وچی علاقے میں ہوئے تصادم میں 4 عسکریت پسندوں کے ہلاک ہونے کی اطلاع ہے۔

اطلاعات کے مطابق سکیورٹی فورسز کو علاقے میں عسکریت پسندوں کی موجودگی کی اطلاع موصول ہوئی تھی جس کے بعد علاقے کو سکیورٹی فورسز نے محاصرے میں لیا۔ محاصرے کے دوران فورسز اہلکاروں اور عسکریت پسندوں کے مابین تصادم شروع ہوا۔

تصادم میں 4 عسکریت پسندوں کو ہلاک کیا گیا ہے، فورسز کی جانب سے جائے تصادم پر تلاشی کاروائی جاری ہے۔

پولیس ترجمان منوج پنڈتا نے عسکریت پسندوں کی ہلاکت کی تصدیق کرتے ہوئے کہا کہ تصادم میں چاروں عسکریت پسندوں کو مار گرایا ہے۔

انکاونٹر شروع ہوتے ہی ضلع میں انٹرنیٹ خدمات کو معطل کردیا گیا ہے۔