شوپیاں پولیس نے تین مقامی نوجوانوں کو فوج کی گشتی پارٹی پر آئی ای ڈی دھماکہ کرنے کے الزام میں گرفتار کر لیا۔
پولیس کے مطابق 16 مئی کو ضلع شوپیاں کے ترکوانگام علاقہ میں فوج کی 44 راشٹریہ رائفلز کی ایک گشتی پارٹی کوIED دھماکے سے نقصان پہچانے کی کوشش کی گئی تاہم اس دھماکے میں کوئی جانی و مالی نقصان نہیں ہوا تھا۔
حملے کے وقت فوج کی گشتی پارٹی جنوبی کشمیر کے شوپیاں ضلع کے ترکوانگام علاقے کی طرف جا رہی تھی۔
اس ضمن میں ہفتہ کو شوپیاں پولیس نے آئی ای ڈی حملے میں ملوث ہونے کے الزام میں تین مقامی نوجوانوں کے خلاف مقدمہ درج کر کے انکی گرفتاری عمل میں لائی۔
گرفتار کیے گئے تینوں نوجوان ترکوانگام علاقے سےتعلق رکھتے ہیں جن کی شناخت شعیب شفیع بھٹ، منتظر فاروق لون اور توقیر اشرف لون کے طور پر ہوئی ہے۔ ان کے خلاف تھانہ زین پورہ میں دفعہ 13،16،18 غیر قانونی سرگرمیاں (پی) ایکٹ، 3/4 دھماکہ خیز ایکٹ کے تحت ایف آئی آر نمبر 46/2021 کے مقدمہ درج کر لیا گیا ہے۔