ضلع ریاسی کے سب ڈویژن مہور کے بگہ انگرالہ سڑک پر سفر کے دوران شدید بارش کے نتیجے میں ڈرائیور نے گاڑی کو کنارے پارک کر دیا۔
ڈرائیور سمیت گاڑی میں سوار سبھی مسافر گاڑی سے اترے کہ اچانک چٹان کھسکنے کے نتیجے میں ایک بڑا پتھر گاڑی پر آ گرا۔ جس کے سبب گاڑی کو شدید نقصان پہنچا۔
گاڑی میں سوار سبھی افراد اور راہگیروں نے مسافرین کے معجزاتی طور بچ نکلنے پر انہتائی مسرت کا اظہار کیا۔
قابل ذکر ہے کہ جموں و کشمیر پہاڑی علاقہ ہونے کے سبب خراب موسم کے دوران چٹانیں کھسکنے، تودے گر آنے کے واقعات رونما ہوتے رہتے ہیں۔ جموں - سرینگر قومی شاہراہ پر اس طرح کے واقعات میں اب تک کئی افراد کی جانیں تلف ہو چکی ہیں۔