رامبن: بنیادی سہولیات کے لیے نوجوانوں کا احتجاج

نوجوانوں نے گورنر انتظامیہ سے ان کے مسائل کو جلد حل کرنے کی اپیل کی اور ایسا نہ ہونے پر انہوں نے جموں - سرینگر قومی شاہراہ پر احتجاج کرنے کی دھمکی بھی دی ہے۔

مرکز کے زیر انتظام جموں و کشمیر کے پہاڑی ضلع رامبن کی سب ڈویژن رامسو میں نوجوانوں کی جانب سے ایک پر امن احتجاج کیا گیا۔

احتجاج سیکولر سٹرگلر یوتھ آف رامسو کی رہنمائی میں سب ڈویژن رامسو دفتر کے احاط میں بنیادی مسائل جیسے اسپتال کی خستہ حالی، شہید ارشد میموریل کرکٹ گراؤنڈ کو ڈھانے کے بعد دوبارہ تعمیر کرنے میں کی جارہی دیری، ہائی اسکول رامسو کا درجہ بڑھانے سمیت تعمیراتی کام کے دوران رامسو علاقے میں گرد و غبار سے پیدا ہونے والی صورتحال کو لیکر احتجاج کیا گیا۔

احتجاج کے بعن ایک میمورنڈم ایس ڈی ایم رامسو کے پاس جمع کیا گیا۔ نوجوانوں نے گورنر انتظامیہ سے ان کے مسائل کو جلد حل کرنے کی اپیل کی اور ایسا نہ ہونے پر انہوں نے جموں سرینگر قومی شاہراہ پر احتجاج کرنے کی دھمکی بھی دی ہے۔