دس گھنٹوں تک ٹریفک کی آمد و رفت بند رہنے کے بعد وادی کشمیر کو زمینی راستے سے ملک کے دیگر حصوں کے ساتھ جوڑنے والی 270 کلو میٹر لمبی جموں - سرینگر قومی شاہراہ کو بدھ کی دوپہر بحال کر دیا گیا۔
سرینگر جموں قومی شاہراہ بعد دوپہر ٹریفک کی آمد و رفت کے لیے بحال
سرینگر جموں شاہراہ پر ضلع رام بن میں کیفٹریہ موڑ کے مقام پر منگل اور بدھ کی درمیانی شب مٹی کا تودہ گر آنے کے سبب شاہراہ کو ٹریفک کی آمد و رفت کے لیے بند کر دیا گیا تھا۔
مٹی کا تودہ گرآنے کے سبب شاہراہ کے دونوں طرف سینکڑوں مسافر اور مال بردار گاڑیاں درماندہ ہو گئی تھی۔