رامسو: سڑک حادثے میں خاتون ہلاک

سرینگر - جموں قومی شاہراہ پر ضلع رام بن کے رامسو علاقے میں سڑک حادثے میں ایک خاتون ہلاک ہو گئی۔

جموں - سرینگر قومی شاہراہ پر رامسو کے مقام پر گنڈ، اندکوٹ سے تعلق رکھنے والی ایک خاتون سڑک حادثے کے دوران ہلاک ہو گئی۔ پولیس ذرائع کے مطابق اسکوٹی پر سوار اقراء اقبال نامی خاتون اچانک اسکوٹی سے گر کر ٹرک کی زد میں آ گئی جس سے وہ شدید زخمی ہو گئی۔

زخمی خاتون کو فوری طور سب ضلع اسپتال بانہال پہنچایا گیا جہاں ڈاکٹروں نے انہیں مردہ قرار دے دیا۔

ٹرک ڈرائیور موقع سے فرار ہونے میں کامیاب ہو گیا ہے۔

اس ضمن میں پولیس نے معاملہ درج کرکے مزید تحقیقات شروع کر دی ہے۔