رامبن: سلبلہ سے ڈاڑم جانے والی سڑک خستہ حالی کی شکار

ریاست جموں و کشمیر کے ضلع رامبن میں سلبلہ سے ڈاڑم جانے والی سڑک خستہ حالی کی شکار ہے، جس کی وجہ سے مقامی لوگوں کو زبردست مشکلات کا سامنا کرنا پڑرہا ہے۔

مقامی لوگوں کا کہنا ہے کہ سلبلہ سے ڈاڑم جانے والی یہ 4 کلو میٹر لمبی سڑک کو میگڈامائز نہیں کیا گیا تھا ۔

انہوں نے مزید کہا کہ 'سڑک پر جگہ جگہ گڑھے بنے ہوئے ہیں جس کی وجہ سے بارش کے دوران مقامی لوگوں کو سفر کرنے میں کافی پریشانی ہوتی ہے'۔

مقای لوگوں کا الزام ہے کہ اس معاملے کو کئی بار ضلع انتطامیہ کی نوٹس میں لایا لیکن وہ خاموشی اختیار کیے ہوئے ہیں۔

وہیں ای ٹی وی بھارت کے نمائندے نے اس معاملے پر ایس ڈی ایم رامبن سے بات کی تو انہوں نے کہا کہ فنڈس کی کمی کے باعث سڑک تعمیر نہین کی گئی، تاہم انہوں نے یقین دہانی کرائی کہ فنڈس رئیلز ہوتے ہین اس سڑک کی مرمت کی جائے گی۔

مقامی لوگوں نے گورنر انتظامیہ سے اپیل کی ہے کہ جلد سے جلد سڑک کی مرمت کی جائے تاکہ لوگوں کو مزید مشکلات کا سامنا نہ کرنا پڑے۔