بانہال: سڑک حادثہ میں دو افراد زخمی

جموں و کشمیر کے ضلع رامبن میں سڑک حادثے کے دوران دو افراد شدید طور پر زخمی ہو گئے ہیں۔

پہاڑی ضلع رامبن میں جموں سے وادی کشمیر کی طرف جا رہے دو افراد اس وقت شدید طور پر زخمی ہو گئے جب ان کی موٹر سائیکل ضلع کے جملوں مقام پر بے قابو ہو کر گہری کھائی میں جا گری۔

حادثے میں موٹر سائیکل (زیر رجسٹریشن نمبرPB02DU 4729 ) پر سوار دونوں افراد شید طور پر زخمی ہو گئے جنہیں علاج کے لئے فوری طور سب ضلع اسپتال بانہال منتقل کیا گیا۔

زخمیوں میں سے ایک شدید زخمی کو بہتر علاج و معالجے کے لیے سرینگر ریفر کیا گیا۔

جموں و کشمیر پولیس نے اس ضمن میں کیس درج کر کے مزید کارروائی شروع کر دی ہے۔