رامبن کے مکر کوٹ پیسینجر شیڈ کی حالت انتہائی خستہ

ضلع رامبن کے مکر کوٹ میں پیسینجر شیڈ کی حالت انتہائی خستہ ہو چکی ہے جس کے سبب مسافروں کو دقتوں کا سامنا کرنا پڑ رہا ہے۔

پہاڑی ضلع رامبن کے مکر کوٹ علاقے میں دہائیاں قبل ایک پیسینجر شیڈ تعمیر کیا گیا ہے جس کی مرمت نہ کیے جانے کے سبب لوگوں نے انتظامیہ کے خلاف برہمی کا اظہار کیا ہے۔

شیڈ کے استعمال میں لائی گئی لکڑی بوسیدہ اور خراب ہو چکی ہے جس کے سبب مقامی لوگوں کو حادثہ رونما ہونے کا خطرہ لاحق رہتا ہے۔

مقامی باشندوں نے کہا کہ 'شیڈ کی حالت انتہائی خستہ ہو چکی ہے اور یہ بھی گر سکتا ہے۔'

انہوں نے انتظامیہ کو تنقید کا نشانہ بناتے ہوئے کہا کہ 'انتظامیہ شاید کسی بڑے حادثے کا انتظار کر رہی ہے، اس سے قبل کہ جان و مال کو کوئی خطرہ پہنچے، انتظامیہ کو شیڈ کی مرمت کے لیے ٹھوس اقدامات اٹھانے چاہئے۔'