جموں: پولیس کے ایک ترجمان نے بتایا کہ پولیس چیف دلباغ سنگھ نے پیر کے روز رامبن اور کشتواڑ اضلاع کا دورہ کیا اور وہاں پر سکیورٹی صورتحال کا جائزہ لیا۔ پولیس سربراہ نے دشمنوں کی سازشوں کو ناکام بنانے کی خاطر مختلف سکیورٹی ایجنسیوں کے درمیان قریبی تال میل کو ناگزیر قرار دیا۔ DGP Dilbagh Singh Reviewed Security Situation in Ramban
پولیس چیف نے اس موقع پر کہا کہ مژھل یاترا کو بہ حسن خوبی پایہ تکمیل تک پہنچانے کی خاطر زمینی سطح پر اقدامات اُٹھانے کی ضرورت ہے۔ بعد میں پولیس سربراہ نے ضلع پولیس آفس کشتواڑ کا دورہ کیا اور وہاں پر آفیسران کے ساتھ میٹنگ کی۔ DGP Visits Kishtwar
دلباغ سنگھ نے کہا کہ ملک دشمن عناصر کے خلاف سخت کارروائی عمل میں لانے کی ضرورت ہے۔ انہوں نے آفیسران پر زور دیا کہ وہ جرائم کا قلع قمع کرنے کی خاطر جدید ٹیکنالوجی کا بھر پور استعمال کریں۔ انہوں نے بتایا کہ یوم آزادی کے پیش نظر ضلع میں امن دشمن عناصر کے منصوبوں کو ناکام بنانے کی خاطر سی سی ٹی وی اور ڈرونز سے استفادہ حاصل کرنے کی ضرورت ہے۔ DGP on Anti National Elements
اس موقع پر ایس ایس پی کشتواڑ نے پولیس چیف کو ضلع کی سکیورٹی صورتحال کے بارے میں جانکاری فراہم کرتے ہوئے بتایا کہ جشن آزادی اور رکھشا بندھ کے حوالے سے پولیس نے سبھی انتظامات مکمل کیے ہیں۔پولیس ترجمان کا مزید کہنا ہے کہ پولیس سربراہ نے آفیسران کو ہدایت دی کہ عسکریت پسندوں کے ارادوں کو ناکام بنانے کی خاطر سکیورٹی ایجنسیاں آپس میں قریبی تال میل کو اور زیادہ مستحکم کریں۔