جموں و کشمیر کے ضلع رامبن کے بانہال میں چملواس نیل رابطہ سڑک کی خستہ حالی کے بعد محکمۂ پی ڈبلیو ڈی کی جانب سے اس سڑک پر تارکول بچھانے کا کام شروع کیا گیا ہے۔ چملواس سے لیورہ تک قریب 7 کلومیٹر تک تارکول بچھایا جارہا ہے۔
اس سڑک کے خراب ہونے کی وجہ سے اکثر مسافروں کو مشکلات کا سامنا تھا، لیکن ایک کروڑ سے زائد کی لاگت سے اس کے کام کو شروع کیا جارہا ہے۔ جس پر ڈی ڈی سی کونسلر بشیر نائیک اور عوام نے انتظامیہ اور محکمۂ پی ڈبلیو ڈی کا شکریہ ادا کیا۔
وہیں لوگوں کا یہ بھی کہنا ہے کی لیورہ سے نیل تک جلد سے جلد تارکول بچھائی جائے تاکہ ان لوگوں کو اب مزید مشکلات کا سامنا نہ کرنا پڑے۔ لوگوں کا مزید کہنا ہے کہ سڑک کی حالت ابتر ہوگئی تھی۔
