سڑک پر بلیک ٹاپنگ کے نام پر دھوکا، کارروائی کی مانگ

علاقے کے نائب سرپنچ اور مقامی لوگوں نے الزام عائد کرتے ہوئے کہا 'ٹھیکیدار نے رات کے اندھیرے میں کام کرکے لوگوں کی آنکھوں میں دھول جھونکی ہے'

جموں و کشمیر کے پہاڑی ضلع رامبن کے سب ڈیویژن بانہال کے علاقہ کرالچی ہال میں لوگوں نے محمکہ پبلک ورک ڈیپارٹمینٹ کے خلاف احتجاج کیا، لوگوں نے چمبلواس میں محکمہ تعمیرات عامہ کی جانب سے غیر معیاری مٹیریئل استعمال کرنے پر محکمہ کے خلاف زبردست نعرے بازی کی۔

مقامی لوگوں نے متعلقہ محکمہ پر الزام عائد کرتے ہوئے کہا 'کرالچی ہال سے نوگام ربطہ سڑک پر کئی برس کے بعد بلیک ٹاپنگ کی گئی لیکن محکمہ کی لاپرواہی کی وجہ سے ٹھیکیداروں نے غیر معیاری مٹیریئل کا استعمال کیا ہے۔

علاقے کے نائب سر پنچ اور مقامی لوگوں نے الزام لگاتے ہوئے کہا 'ٹھیکیدار نے رات کے اندھیرے میں کام کرکے لوگوں کی آنکھوں میں دھول جھونکی ہے، جو علاقہ کے لوگوں کے ساتھ مرمت کے نام پر سراسر ناانصافی ہے'۔

انہوں نے ضلع انتظامیہ رامبن سے تحقیقات کرنے کا مطالبہ کیا ہے۔