رامبن : پولیس کی جانب سے دو ویمین ہیلپ ڈیسک قائم

ایس ایس پی رامبن نے کہا کہ رامبن پولیس سماجی جرائم سے نمٹنے کے لیے خاص طور سے خواتین کے تحفظ کے لیے مستعد ہے۔

ضلع رامبن میں ایس ایس پی رامبن پی ڈی نتیا کی جانب سے آج پولیس تھانہ چندرکوٹ اور پولیس تھانہ رامبن میں خواتین کی شکایات سننے کے لیے ویمن ہیلپ ڈیسک کا افتتاح کیا گیا۔

چندرکوٹ اور رامبن میں خواتین ہیلپ ڈیسک کے افتتاح کے دوران ایس ایس پی رامبن نے کہا 'یہ ہیلپ ڈیسک خواتین کو کسی پریشانی سے آزادانہ انداز میں پولیس حکام کے سامنے اپنے مسئلے کو اجاگر کرنے کے لیے ایک جامع پلیٹ فارم مہیا کرے گا'۔

ایس ایس پی رامبن نے مزید کہا 'رامبن پولیس سماجی جرائم سے نمٹنے کے لیے خاص طور سے خواتین کے تحفظ کے لیے مستعد ہے اور ضلع سے ایسے جرائم کا خاتمہ کرنے کے لئے مہم تیز کی جارہی ہے'۔