چرس اسمگلر پولیس حراست میں

ریاست جموں کشمیر کے ضلع رام بن میں پولیس نے 640گرام چرس ضبط کرکے ایک اسمگلر کو گرفتار کرنے کا دعوی کیا ہے۔

جموں کشمیر کے ضلع رام بن میں گزشتہ روز پولیس نے تلاشی کے دوران ایک مشکوک شخص کو گرفتار کیا، جس کی تلاشی کے بعد پولیس کو 640 گرام چرس برآمد ہوئی ہے۔

پولیس نے مصدقہ اطلاع کے بعد بٹوت کے بھدرواہ موڑ پر ناکہ بندی کرکے گاڑیوں کی تلاشی شروع کر دی، ایک شخص بس اسٹینڈ کی طرف پیدل جارہا تھا جس پر پولیس کو شبہ ہوا، پولیس نے اس کو پکڑ کر بیگ کی تلاشی لی، جس کے پاس سے چرس دستیاب ہوئی۔

رکھجڑگ کا رہنے والا ایف دین ابن حبیب اللہ کے خلاف مقدمہ درج کر کے بٹوت تھانہ نے تحقیقات شروع کر دی ہے۔