مویشیوں کی اسمگلنگ، دو گرفتار

ریاست جموں و کشمیر کے ضلع رامبن میں پولیس نے دو اسمگلرز کو گرفتار کر کے 81 مویشیوں کو آزاد کرنے کا دعوی کیا ہے۔

رامبن کے ڈپٹی ایس پی اصغر ملک کے مطابق تین پولیس اسٹیشنز نے اپنی اپنی حدود میں کارروائی کرتے ہوئے مویشی اسمگلرز کو گرفتار کیا ہے، جس میں پولیس تھانہ بٹوت، تھانہ پولیس رامبن اور تھانہ پولیس رامسو شامل ہے۔

تفصیلات کے مطابق پولیس نے خفیہ اطلاع ملتے ہی تین ٹرکوں کو روک کر تلاشی لی اور 81 مویشیوں کو آزاد کر کے دو اسمگلرز ریاض احمد اور محمد اکرم کو گرفتار کیا ہے جبکہ ان کا ایک دیگر ساتھی فرار ہو گیا۔

پولیس نے ان کے خلاف قانون کی مختلف دفعات کے تحت کیس درج کیا ہے۔