Viral Video: خاتون کے ساتھ بدتمیزی کرنے پر نوجوان کی زبردست پٹائی

ادے پور میں ایک نوجوان کو خاتون کے ساتھ بدتمیزی (Molesting-Woman) کرنا مہنگا پڑ گیا۔ عوام نے نوجوان کی بیچ سڑک پر ہی پٹائی کردی۔ اس پورے واقعے کی ویڈیو تیزی سے وائرل ہورہی ہے۔

راجستھان کے ادے پور میں واقع تھانہ ڈبوک علاقے میں نوجوان کو خاتون کے ساتھ بدتمیزی کرنا بھاری پڑ گیا۔ نوجوان کو معلوم نہیں تھا کہ اس کی اس غلط حرکت کی وجہ سے اس کے ساتھ کیا ہونے والا ہے۔ جب گاؤں والوں کو اس خاتون کے ساتھ بدتمیزی کی خبر ملی تو وہ مشتعل ہوگئے۔

گاؤں والوں نے بھاگ کر اس نوجوان کو پکڑا اور شدید پٹائی کردی، نوجوان رحم کی بھیک مانگنے لگا۔ لوگوں نے اسے لاتوں اور مکوں سے زوردار پیٹا۔ جس کے بعد متاثرہ خاتون کی باری تھی جس نے اس کی چپلوں سے پٹائی کی۔

نوجوان کی حالت ایسی تھی کہ اس کے کپڑے بھی پھٹ گئے تھے اور وہ وہاں سے فرار ہونے کی کوشش کر رہا تھا لیکن یہ ممکن نہیں تھا۔ معاملے کی اطلاع ملنے کے بعد مقامی پولیس بھی موقع پر پہنچ گئی اور اس نوجوان کو گرفتار کرلیا۔

اس واقعے کی ویڈیو سوشل میڈیا پر تیزی سے وائرل ہورہی ہے۔ فی الحال پولیس اس معاملے کی تحقیقات میں مصروف ہے۔