تہوارکے موقع پراجمیر شریف میں زائرین کی آمد

دیوالی تہوار کے پیش نظرعالمی سطح پر مشہور سلطان الہند کی درگاہ اجمیر شریف میں خصوصی رونق دیکھی جا رہی ہے. عقیدت مند کثیر تعداد میں یہاں دیوالی کا تہوار منارہے ہیں۔

کورونا وبا کے درمیان حضرت خواجہ معین الدین چشتیؒ کی بارگاہ میں روحانی فیض حاصل کرنے کثیر تعداد میں عقیدت مند اجمیر شریف پہنچے ہیں۔ کوئی اپنے خاندان کی سلامتی تو کوئی روزگار میں برکت کی مراد لایا ہے۔زائرین کو امید ہے کی جشن چراغاں کے موقع پر درگاہ پر حاضری کے لیے پہنچے تمام عقیدت مندوں کی مراد پوری ہوگی۔

پچھلےآٹھ ماہ سے روزگار نہ ہونے کی وجہ پریشان دکانداروں کو عقیدت مندوں کی آمد سے راحت ملی ہے۔ مصیبت زدہ درگاہ علاقے کے دکانداروں کے چہروں پر خوشی دیکھی گئی۔درگاہ شریف اور آس پاس کے علاقے میں زائرین کی کثیر تعداد سے خصوصی رونق دیکھی جا رہی ہے۔