سابق وزیر کی صحتیابی کے لیے دعا

کرناٹک کے سابق وزیر ضمیر احمد خان کے لیے بنگلورو کے سماجی کارکن ایوب خان نے اجمیر شریف میں عقیدت کی چادر پیش کروا کر ان کی صحتیابی کے لیے دعا کروائی۔

ریاست کرناٹک کے سابق وزیر اور مسلم رہنما بی زیڈ ضمیر احمد خان کی سلامتی کے لیے اجمیر شریف درگاہ میں خصوصی دعا کا اہتمام کیا گیا۔

حضرت خواجہ غریب نواز رحمتہ اللہ علیہ کی درگاہ کے خادم شیخ زادہ نافع چشتی کے مطابق ضمیر احمد خان کورونا مثبت پائے گئے اور اسپتال میں ان کا علاج چل رہا ہے۔ ضمیر احمد خان کے لیے بنگلورو کے سماجی کارکن نوجوان رہنما ایوب خان نے اجمیر شریف میں عقیدت کی چادر پیش کروا کر ان کی صحت یابی کی دعا کروائی۔

بتایا گیا کہ بنگلورو کے ایس کے آر مارکٹ میں بی زیڈ ضمیر احمد نے کارپوریٹر نازیمہ، ایوب خان کے ذریعے لاک ڈاؤن میں ضرورت مندوں کی بہت مدد کی۔

23 مارچ سے لے کر اب تک ضمیر احمد خان کی جانب سے ضرورت مندوں کی مدد جاری ہے۔ یہی وجہ ہے کہ ان کے چاہنے والے ان کے لیے سلامتی کے لیے خوب دعا کر رہے ہیں۔