وسندھرا راجے اور بیٹا دشینت سنگھ آئیسولیشن وارڈ میں داخل

بی جے پی کے سینئر رہنما اور راجستھان کی سابق وزیر اعلیٰ وسندھرا راجے نے کورونا وائرس ’کووِڈ-19‘ گلوکارہ کنیکا کپور کے رابطے میں آنے کے بعد خود الگ تھلگ رہ رہی ہیں۔

ریاست راجستھان کی سابق وزیر اعلیٰ وسندھرا راجے نے ٹوئٹ کیا ہے کہ 'میں اور میرا بیٹا دشینت (رکن پارلیمان) اور اس کی سسرال کے افراد لکھنؤ میں ایک ڈنر پارٹی میں شریک ہوئے۔ اس پارٹی میں گلوکارہ کنیکا کپور بھی مدعو تھیں جو کورونا وائرس سے متاثر پائی گئی ہیں۔ احتیاط کے طور پر میں اور دُشینت خود الگ تھلگ رہ رہے ہیں اور کورونا وائرس کے سلسلے میں جاری ضروری ہدایات پر عمل درآمد کر رہی ہیں'۔

سابق وزیر اعلیٰ وسندھرا راجے کا ٹوئٹ

غور طلب ہے کہ کنیکا کپور کورونا وائرس کی جانچ میں پازیٹیو (متاثر) پائی گئی ہیں۔ انھیں لکھنؤ کے کنگ جارج میڈیکل یونیورسٹی اور ہسپتال میں آئسولیشن وارڈ میں داخل کیا گیا ہے۔ وہ حال ہی میں برطانیہ کے دارالحکومت لندن گئی تھیں۔