عازمین کے ساتھ دھوکہ دہی کرنے والا گرفتار

ریاست راجستھان میں پولیس نے عازمین کو دھوکہ دے کر چوپن لاکھ روپیہ لوٹنے کے الزام میں میر ارشاد علی کو کوٹہ سے گرفتار کیا ہے۔

تفصیلات کے مطابق شہر کے شاہ گنج علاقے میں اصل ٹورز اینڈ ٹریولس کے مالک میر ارشاد علی نے 107 عازمین سے 54 لاکھ روپیہ لے کر انہیں حج اور عمرہ کے لیے روانہ کرنے کا بھروسہ دلایا تھا۔ اس کے بعد عازمین نے 54 لاکھ روپیہ بھر دیے تھے لیکن ٹورس کا مالک عازمین کے 54لاکھ روپے لے کر فرار ہو گیا۔

متاثر صادق علی رضوی نے پولیس اسٹیشن میں شکایت درج کرائی۔ جس کے بعد معاملہ درج کرکے سائبر سیل کی مدد سے میر ارشاد علی کا موبائل ٹریس کرکے اسے راجستھان کے کوٹہ سے گرفتار کیا گیا۔

تاہم پولیس نے ملزم کے خلاف معاملہ درج کرکے مزید تحقیقات شروع کر دی ہے۔