ٹی وی اداکاروں کی اجمیر درگاہ پر حاضری

ٹی وی اداکار ہمانشو شرما اور اداکارہ پریا بتھیجا نے حضرت خواجہ معین الدین حسن چشتیؒ کی درگاہ پر حاضری دی اور مزار پر عقیدت کی چادر اور پھول پیش کرکے دعائیں مانگیں۔

گزشتہ 15 برسوں سے ٹی وی سیریلز میں اپنی اداکاری کے جلوے دکھا رہے ہمانشو اور پریا بتھیجا نے درجنوں ٹی وی سیریل کیے ہیں۔

ٹی وی پروگرام 'نچ بلیے۔7 'میں ہمانشو اول جوڑی کے اعزاز سے نوازے گئے، تو پریا بتھیجا نے بالا جی ٹیلی فلم کے ساتھ ڈائن میں کام کیا ہے۔

وہ خواجہ صاحب کی درگاہ میں حاضری سے بہت خوش نظر آئے۔ ہمانشو نے بتایا کی انہوں نے اب تک 15 سے زیادہ ٹی وی سیریل میں کام کیا ہے اور اب آئندہ مارچ میں ان کی فلم شیرشاہ بھی ریلیز ہونے والی ہے۔