خادم سید قطب الدین سخی کے مطابق یہ جنتی دروازہ خواجہ صاحب کے مزار مبارک کے قریب ہے اور اکثر عقیدت مند یہاں منت کا دھاگا باندھتے ہیں اور زیارت کرنے کے لیے آستانہ میں داخل ہوتے ہیں۔
بقرعید کے دن اجمیر شریف کا جنتی دروازہ کھلا رہے گا خاص بات یہ ہے کہ زیادہ تر بالی ووڈ فلم اسٹار جنتی دروازہ پر ہی اپنی فلموں کی کامیابی اور زندگی میں خوشیوں کی منت کا دھاگا باندھتے ہیں۔ اجمیرسلطان الہند کی بارگاہ میں جنتی دروازہ سال میں چار مرتبہ عقیدت مندوں کے لیے کھولا جاتا ہے ۔
رواں برس عید الفطر اور بڑے سرکار خواجہ صاحب کے پیر و مرشد کے عرس کے موقع پر عقیدت مند درگاہ بند رہنے کی وجہ سے دیدار نہیں کر سکے تھے۔
لیکن اب 21 جولائی کو اس جنتی دروازہ سے خاص اور عام زائرین آستانہ شریف میں داخل ہو سکیں گے۔ کورونا وائرس کے مدنظر حکومت راجستھان کے ہدایت نامہ کے مطابق اجمیر درگاہ کو 73 روز بند رکھا گیا تھا۔
اب خواجہ صاحب کا دربار تمام عقیدت مندوں کے لیے covid گائیڈ لائن کے مطابق کھول دیا گیا ہے۔ ایسے میں اب زائرین کی آمد سے اجمیرکی گلیاں ایک بار پھر سے گلزار دکھائی دے رہی ہیں۔
