جے پور: زمین سے نکلنے لگا عجیب و غریب کیمیائی مادہ

جے پور کے بڑی چوپڑ علاقے میں اچانک زمین سے کیمیائی مادہ نکلنے لگا۔ اس کیمیائی مادہ کو نکلتے دیکھ کر مقامی باشندوں کی جانب سے پولیس کو اطلاع دی گئی۔

بھارتی ریاست راجستھان کے دارالحکومت جے پور کے بڑی چوپڑ علاقے میں اچانک زمین سے کیمیائی مادہ نکلنے لگا، زمین سے نکلتا ہوا یہ کیمیائی مادہ پورے راجستھان میں موضوع کا سبب بنا ہوا ہے۔

اچانک زمین سے نکلتے کیمیائی مادہ کو دیکھ کر مقامی باشندوں کی جانب سے پولیس کو اطلاع دی گئی، جس کے بعد پولیس موقع پر پہنچی اور حالات کا جائزہ لیا اور بعد میں فائر بریگیڈ کو اس کی اطلاع دی۔ حالانکہ پولیس اور فائر بریگیڈ کی ٹیم بھی اس کا پتہ نہیں لگاسکی۔

جے پور: زمین سے نکلنے لگا عجیب و غریب کیمیائی مادہ

وہیں فائر محکمہ کے ملازمین کا کہنا ہے کہ 'ہم لوگوں کو جیسے ہی اطلاع ملی ہے ہم لوگ فوراً مقامِ واقعہ پر پہنچ گئے۔' ان کا کہنا ہے کہ 'اب ہم حالات کا جائزہ لے رہے ہیں کہ آخر یہ زمین سے نکلنے والی چیز ہے کیا۔'

وہیں جس طرح سے اچانک زمین سے کیمیائی مادہ نکلنے لگا تو اس کو دیکھنے کے لئے کثیر تعداد میں لوگوں کا ہجوم موقع پر جمع ہوگیا اور لوگ اس کی تصویریں لینے لگے۔ یہ واقعہ سوشل میڈیا پر اتنا زیادہ وائرل ہوگیا کہ پورے راجستھان میں اس کا چرچا ہونے لگا۔

فی الحال ابھی تک کسی بھی محکمے کی جانب سے یہ نہیں بتایا گیا ہے کہ زمین سے جو کیمیائی مادہ نکل رہا تھا وہ کیا ہے۔