گجرات کے پوربندر پہنچنے کے بعد ایک رکن اسمبلی نے بتایا کہ مزید بی جے پی ارکان اسمبلی راجستھان سے یہاں پہنچیں گے۔ بی جے پی رکن اسمبلی نرمل کماوت نے کانگریس حکومت پر حزب اختلاف اراکین اسمبلی کو ہراساں کرنے کا الزام عائد کرتے ہوئے کہا کہ وہ دماغی سکون کےلیے سومناتھ یاترا پر تھے۔
راجستھان کے بی جے پی ارکان اسمبلی گجرات پہنچ رہے ہیں راجستھان میں کانگریس حکومت کو کو بحران کا سامنا ہے اور وزیراعلیٰ اشوک گہلوت کے پاس اکثریت کا بھی فقدان ہے۔
نرمل کماوت نے الزام لگایا کہ ایس او جی اور مختلف محکموں کی جانب سے بی جے پی ارکان کو پریشان کرنے اور ان پر ذہبی دباؤ ڈالنے کے مقصد کے تحت چھاپے مارے جارہے ہیں۔
انہوں نے کہا کہ ذہنی تناؤ کو کم کرنے کےلیے ہم لوگوں نے سومناتھ کے درشن کرنے کا فیصلہ کیا۔ انہوں نے کہا کہ ہم کانگریس حکومت کی جانب سے ووٹ کےلیے ڈالے جارہے دباؤ سے بچنے کےلیے یہاں آئے ہیں۔
بی جے پی رکن اسمبلی نے بتایا کہ بی جے پی اعلیٰ قیادت کے فیصلہ کے مطابق کچھ اور ارکان اسمبلی گجرات پہنچنے والے ہیں۔
پارٹی ذرائع کے مطابق جئے پور سے گجرات پہنچنے والے بی جے پی کے ارکان اسمبلی میں نرمل کماوت، گوپی چند مینا، جبر سنگھ سنکھلا، دھرمیندر کمار موچی، گوپال لال شرما اور گرودیپ سنگھ شاہپنی شامل ہیں۔
گہلوٹ اور ان کے سابق نائب سچن پائلٹ کے درمیان اختلافات کے بعد ریاست میں سیاسی بحران پیدا ہوگیا ہے۔
