بی ایس پی کے چھ اراکین اسمبلی کے کانگریس میں شامل ہونے پر بی ایس پی کی سربراہ مایاوتی نے ٹویٹ کر کے بی ایس پی کو دھوکہ باز پارٹی قرار دیا ہے۔ وہیں راجستھان کے وزیراعلی اشوک گہلوت نے کہا کہ اراکین اسمبلی بغیر کسی شرط کے کانگریس میں شامل ہوئے ہیں۔
اراکین اسمبلی کی کانگریس میں شمولیت کے بعد مایاوتی کا سخت ردعمل
بی ایس پی کی سربراہ مایاوتی اپنے اراکین اسمبلی کی کانگریس میں شمولیت کے بعد کانگریس پر تیز و تند انداز میں حملہ آور ہوئیں۔ انہوں نے کانگریس کو دھوکہ باز پارٹی قرار دیا۔
Published : Sep 17, 2019, 6:34 PM IST
Published : Sep 17, 2019, 6:34 PM IST
|Updated : Sep 30, 2019, 11:22 PM IST
بی ایس پی کے چھ اراکین اسمبلی کے کانگریس میں شامل ہونے پر بی ایس پی کی سربراہ مایاوتی نے برہمی کا اظہار کیا۔ انہوں نے اپنے ٹویٹر پر ردعمل دیتے ہوئے لکھا کہ ”راجستھان میں کانگریس پارٹی کی حکومت نے ایک بار پھر بی ایس پی کے اراکین اسمبلی کو توڑ کر غیر بھروسے مند اور دھوکہ باز پارٹی ہونے کا ثبوت دیا ہے۔ یہ صریح غداری ہے جو دوبارہ اس وقت کیا گیا ہے جب بی ایس پی وہاں کانگریس کو باہر سے بغیر کسی شرط کے حمایت دے رہی تھی”۔
بی ایس پی کے اراکین اسمبلی کے کانگریس میں شامل ہونے پر وزیراعلی اشوک گہلوت نے کہا کہ ان کا ردعمل آنا فطری ہے۔ لیکن ان کو یہ سمجھنا ہوگا کہ کانگریس نے انہیں کوئی عہدے کا لالچ نہیں دیا ہے۔ انہوں نے حلقے کی ترقی کے لئے ایسا فیصلہ کیا ہے۔