'کسی بھی ملک کے سربراہ آئیں توان کا استقبال کیا جانا چاہئے'

راجستھان کے وزیراعلی اشوک گہلوت نے کہا کہ ملک میں کسی بھی ملک کے سربراہ آئیں توان کا استقبال کیا جانا چاہئے۔

گہلوت نے سنیچر کو ریاستی کانگریس کمیٹی دفتر میں نامہ نگاروں کے سوالات کا جواب دیتے ہوئے کہاکہ ٹرمپ آرہے ہیں، ان کااستقبال ہے۔

یہ بین الاقوامی تعلقات کی بات ہے کسی بھی ملک کے سربراہ کے آنے پر ان کا احترام ہمارا فرض ہے۔

گہلوت نے کہاکہ سیاسی دنیا میں کیسے تعلقات رہے، کیسے رہیں، تعلقات کیسے ٹوٹے یہ سب میں سمجھتاہوں۔ یہ معاملہ حکومت ہند کے دائرہ کار میں آتا ہے۔

لہذا اس معاملہ پر میرا تبصرہ کرنا مناسب نہیں ہے کیونکہ کوئی بھی ملک کے سربراہ آتے ہیں تو ان کا استقبال کرنا چاہئے، یہی میرا خیال ہے۔