اجمیر: ہسپتال میں حادثہ

میڈیکل آئی سی یو میں شارٹ سرکٹ کے باعث دو سے تین مریضوں کی موت خبر، ہسپتال انتظامیہ کا انکار

ریاست راجستھان کے شہر اجمیر کے جے ایل این ہاسپیٹل کے کووڈ 19 میڈیکل آئی سی یو میں شارٹ سرکٹ کے باعث دھواں اٹھنے سے دو سے تین مریضوں کی دم گھٹنے سے موت کی اطلاع ہے۔

اطلاعات کے مطابق بجلی کے اضافی دباؤ کی وجہ سے شارٹ سرکٹ ہوا جس کی وجہ سے آدھا درجن وینٹیلیٹر اور دیگر سامان جلنے سے دھواں پھیل گیا۔

شارٹ سرکٹ کے باعث دو سے تین مریضوں کی موت کی خبر پر ہاسپیٹل انتظامیہ کا دعویٰ ہے کہ شارٹ سرکٹ کی وجہ سے یہ موت نہیں ہوئی ہے۔

فی الحال ضلع کے سب سے بڑے ہاسپیٹل کے کووڈ 19 کے حادثے سے کورونا متاثرین مریضوں کی دشواری میں اضافہ ہونے کی وجہ سے مایوسی نظر آرہی ہے۔