راجستھان وقف بورڈ کے کارگزار چیئرمین کی تردید

راجستھان وقف بورڈ کے کارگزار چیئرمین محمد یوسف نے راجستھان مسلم پریشد کے سربراہ یونس چوپدار کے خلاف عدالت میں مقدمہ کرنے کی بات کہی ہے۔

پریشد کی جانب سے وقف بورڈ کے کارگزار چیئرمین محمد یوسف پر ایک خاتون کے ساتھ مبینہ طور پر بدتمیزی کرنے کا الزام عائد کیا گیا تھا۔

اس کے ساتھ ہی ریاستی وزیراعلیٰ سے اس معاملے کی جانچ کرانے کا مطالبہ بھی کیا گیا تھا۔

انہوں نے پریشد کے ذریعے عائد الزامات کو بے بنیاد قرار دیتے ہوئے کہا کہ جو آڈیو کلپ پیش کی گئی ہے وہ میری نہیں ہے۔