Ajmer Sharif Dargah اجمیر شریف کی درگاہ پر صوفیانہ قوالیوں کا سلسلہ تھم گیا

حضرت خواجہ معین الدین حسن چشتی رحمت اللہ علیہ کی درگاہ میں محرم الحرام کا چاند دکھائی دینے پر صوفیانہ قوالیوں کا سلسلہ تھم جاتا ہے, چشتیہ سلسلے کی روحانی غذا کہی جانے والی قوالی اب 13 روز تک خواجہ غریب نواز کے دربان میں زائرین اور عقیدت مندان کو نہیں سنائی دے گی

اجمیر: انسانی جسم کی روحانی غذا اور صوفیانہ کلاموں کی محفلیں اب محرم الحرام کا چاند نظر آتے ہی بیان کربلا میں تبدیل ہو جائے گی۔ مسلم علاقوں میں پیغمبر اسلام حضرت محمد مصطفی صلی اللہ علیہ والہ وسلم کے نواسے حضرت امام حسین رضی اللہ تعالی عنہ کی شہادت کو یاد کیا جائے گا۔

قابل ذکر ہے کہ 1400 برس قبل عراق کے کربلا شہر میں حق اور باطل کی جنگ ہوئی، جس میں حضرت امام حسین اور ان کے 72 ساتھیوں کو شہادت کا جام نوش کرنا پڑا۔ اسی جنگ کو دنیا بھر میں عاشقان اہل بیت غم حسین مناتے ہیں۔ راجستھان کے اجمیر میں سلطان الہند حضرت خواجہ معین الدین حسن چشتی رحمت اللہ علیہ حسنی حسینی ہیں، یہی وجہ ہے کہ محرم الحرام میں پورا شہر یاد حسین میں کھویا رہتا ہے اور درگاہ میں صوف یانہ قوالیوں کا سلسلہ 13 روز کے لیے تھم جاتا ہے۔

بذریعہ علماء کرام اجمیر درگاہ علاقہ میں مرثیہ خوانی، بیان کربلا اور حضرت امام حسین کی سیرت اور تعلیمات پر وعظ و نصیحتیں کی جاتی ہیں۔ دوسری طرف محرم الحرام کی تیاریاں زور شور سے جاری ہیں۔ اس کے لیے پخرہ انتظامات کیے جا رہے ہیں۔ ضلع انتظامیہ کی جانب سے بھی سکیورٹی انتظامات کیے جا رہے ہیں۔