راجستھان: حکومت کی نئی گائیڈ، پابندیوں میں کمی

عالمی وبا کورونا کا قہر قابو میں آنے کی وجہ سے راجستھان حکومت کی جانب سے گزشتہ روز نئی گائیڈ لائن جاری کر دی گئی ۔اس نئی گائیڈ لائن میں کئی پابندیاں ہٹا دی گئی ہیں، خاص بات یہ ہے کہ یہ نئ گائیڈ لائن آج سے ہی پوری ریاست میں نافذ ہو چکی ہے۔

عام عوام کے چہرے پر خوشی نظر آ رہی ہے۔ اس گائیڈ لائن میں ریسٹورنٹ کھولنے کی اجازت دی گئی ہے، ایک لمبے عرصہ کے بعد میں ریسٹورنٹ کھولنے کی وجہ سے بازار میں کافی رونق نظر آئی۔

ریاست راجستھان کے تمام سیاحی مقامات کو کھولنے کی اجازت حکومت کی جانب سے دی گئی ہے اس لئے یہاں تمام جگہوں پر کافی چہل پہل نظر آرہی ہے۔

وہی جم کھولنے کی اجازت بھی دی گئی ہے نئی گائیڈ لائن کے مطابق دکان بند ہونے کے وقت میں بھی اضافہ کیا گیا ہے۔ اور لاک ڈاؤن کرفیوں جو پہلے جمعہ سے لے کر پیر کے روز تک تھا۔ وہ اب سنیچر شام سے لے کر پیر کی صبح تک رہے گا۔ وہی جس طرح سے رفتہ رفتہ کورونا کا قہر کم ہو رہا ہے اور نئ نئ گائیڈ لائن جاری کی جا رہی ہے اس کے مد نظر یہی کہا جا سکتا ہے کہ اب وہ دن دور نہیں جب راجستھان میں کورونا کا ایک بھی کیس نظر نہیں آئے گا اور پوری راجستھان سکون کی سانس لے سکے گا۔