جے پور میں حالات کشیدہ

جے پور میں ابھی جنسی زیادتی کا معاملہ رکا نہیں تھاکہ دوبچوں کے جھگڑے کو مذہبی رنگ دے کر حالات کشیدہ کرنے کی کوشش کی جارہی ہے۔

ریاست راجستھان کے دارالحکومت جے پور کے شاستری نگر علاقے میں فضا خراب کرنے کی کوشش کی جا رہی ہے۔ جس کے بعد علاقے میں پولیس ٹیم پورے علاقے میں تعینات کر دی گئی ہے۔

پولیس کے جوانوں کے ساتھ سی آر پی ایف پولیس بھی موقع پر پہنچ گئی ہے۔

مذکورہ علاقے میں دو بچوں کے درمیان لڑائی کے بعد پتھراؤ کی اطلاع پولیس کو ملی اور پولیس کے جوانوں نے موقع پر پہنچ کر ماحول کو پوری طرح سے پرامن کرایا۔

لیکن کچھ لوگوں نے واٹس اپ پر ایک جھوٹا میسیج ڈال کر اس پورے ماحول کو مذہبی رنگ دینے کی کوشش کی، جس کے بعد علاقے کا ماحول کشیدہ ہوگیا۔

ای ٹی وی بھارت نے پولیس کے اعلی عہدیداران سے بات کرنی چاہی، لیکن کسی نے بھی اس بارے میں کوئی جواب نہیں دیا۔

واضح رہے کہ اس علاقے میں گذشتہ دنوں ایک سات برس کی بچی کے ساتھ ریپ کے معاملے کے بعد علاقے کا ماحول خراب ہو گیا تھا۔