راجستھان: خاتون کونسلر کے ساتھ غلط برتاؤ کا معاملہ اسمبلی میں اٹھا

بھارتیہ جنتا پارٹی (بی جے پی) کی رکن اسمبلی کلپنا دیوی نے وقفہ صفر میں التوا کی تجویز کے تحت یہ معاملہ اٹھایا۔ انہوں نے اس معاملے کی منصفانہ جانچ کا مطالبہ بھی کیا۔

راجستھان اسمبلی میں آج کوٹہ شمالی میونسیپل کارپوریشن میں خاتون کونسیلر کے ساتھ برا برتاؤ کرنے کا معاملہ اٹھایا گیا۔

بھارتیہ جنتا پارٹی (بی جے پی) کی رکن اسمبلی کلپنا دیوی نے وقفہ صفر میں التوا کی تجویز کے تحت یہ معاملہ اٹھایا۔ انہوں نے اس کی منصفانہ جانچ کا مطالبہ بھی کیا۔

انہوں نے کہا 'گزشتہ 11 فروری کو کوٹہ شمالی میونسیپل کارپوریشن کی میٹنگ میں ایک خاتون کونسلر نے اپنی بات رکھنی چاہی۔ لیکن اقتدار فریق کے کونسلروں نے اسے گھیر کر ذات پات پر مبنی الفاذ کہے اور تھپڑ بھی مارا گیا'۔

انہوں نے کہا 'کیا حکومت اس طرح سے خواتین کی حفاظت کررہی ہے کہ عوامی نمائندہ اپنی بات بھی نہیں رکھ سکتا'۔ انہوں نے اسے جمہوریت کا قتل قرار دیتے ہوئے کہا کہ یہ بدقسمتی اور قابل مذمت ہے۔ انہوں نے کہا کہ اس معاملے میں ایف آئی آر درج نہیں کی گئی۔

انہوں نے کہا کہ پورے واقعہ کی منصفانہ جانچ کی جانی چاہئے تاکہ قصوروار کو سخت سزا ہوسکے اور متاثر کونسلر کے تئیں انصاف ہوسکے۔