ندی سے خاتون کی لاش برآمد

ریاست راجستھان کے جھالاواڑ میں منڈاور ندی کے کنارے ایک خاتون کی لاش تیرتی ہوئی ملی ہے۔

اطلاعات کے مطابق مقامی لوگوں نے منڈاور پولیس کو اسی وقت اس واقعے کے متعلق اطلاع دی جس کے فوراً بعد ہی ، منڈاور پولیس موقع پر پہنچی اور گاؤں والوں کی مدد سے اس خاتون کی لاش کو ندی سے باہر نکالی۔

لاش کو جھالاواڑ کے ایس آر جی ہاسپٹل کی مورچری میں رکھوایا جہاں خاتون کی لاش کی کورونا وائرس کی جانچ کی جائے گی۔

تاہم ، خاتون کی ابھی تک شناخت نہیں ہوسکی ہے، مقامی لوگوں کے مطابق مذکورہ خاتون کو گزشتہ شام یقینی طور پر اس علاقے میں دیکھا گیا تھا۔

پولیس نے اس معاملے کے حوالے سے کاروائی شروع کر دی ہے۔