راجستھان: بی جے پی کا وزیر اعلی کے نام میمورنڈم

ریاست راجستھان کے دارالحکومت جے پور میں بی جے پی اقلیتی مورچہ کی جانب سے وزیر اعلی اشوک گہلوت کے نام میمورنڈم دیا گیا۔

بی جے پی اقلیتی مورچہ کے ریاستی صدر ایم صادق خان نے ای ٹی وی بھارت سے خاص بات چیت کے دوران بتایا کہ آج پورے راجستھان کے ضلع ہیڈکوارٹر اور ایس ڈی ایف دفتر میں بھارتیہ جنتا پارٹی کے اقلیتی ونگ کی جانب سے ریاست کے وزیر اعلی اشوک گہلوت کے نام میمورنڈم دیا گیا۔

صادق کا کہنا ہے کہ گذشتہ دو برس میں جس طرح سے ریاستی کانگریس حکومت کی جانب سے اقلیتوں کے تمام کام بند کر دیے گئے، انہوں نے کہا کہ چاہے اقلیتی اسکولرشپ کا معاملہ ہو، چاہے کوئی لون کا معاملہ ہو، تعلیم سے جڑا ہوا مسئلہ ہو، آر پی آئی سی میں مسلم طبقہ کے لوگوں کو منتخب کرنے کا مسئلہ ہو، اردو اکادمی کے کام ہو، مدرسہ پیرا ٹیچرس کا مسئلہ ہو، ایسے کئی معاملے ہیں جن معاملوں کو لے کر آج کلکٹر کو میمورنڈم دیا گیا ہے۔

صادق کا کہنا ہے کہ یہ مسئلہ ہم لوگوں نے جو منتخب ہوئے ہیں، انتخاب میں مسلم عوام کو بھی بتایا ہے کہ جس پارٹی کو آپ لوگ اتنا زیادہ توجہ دیتے ہیں لیکن وہ پارٹی آپ کی جانب بالکل بھی توجہ نہیں دیتی۔

انہوں نے کہا کہ ہم عوام سے یہ اپیل کر رہے ہیں آپ لوگ کانگریس کا جلد بائیکاٹ کرے، اس دوران بی جے پی اقلیتی مورچہ کے ذمے داران اور رہنما موجود رہے۔