اجمیر کی خواتین کا احتجاجی مظاہرہ

اناؤ ریپ کیس کی متاثرہ کے سڑک حادثے میں زخمی ہونے کے بعد ملک بھر میں احتجاجی مظاہرے کیے گئے ہیں۔ راجستھان کے اجمیر شہر میں مہیلا کانگریس کمیٹی کے بینر کے تحت اتر پردیش حکومت اور وزیر اعلی یوگی آدتیہ ناتھ کے خلاف مظاہرہ کیا گیا۔

مظاہرین نے اجمیر کے دہلی گیٹ علاقے میں اتر پردیش حکومت کے خلاف جم کر نعرے بازی کی اور وزیر اعلیٰ یوگی کے استعفے کا مطالبہ بھی کیا۔

مظاہرین کا الزام ہے کہ بی جے پی حکومت میں خواتین پر ظلم و ستم کیے جارہے ہیں، جس طرح اتر پردیش میں بی جے پی رکن اسمبلی کلدیپ سنگھ سینگر کے ساتھ حکومت کا رویہ دیکھنے کو مل رہا ہے، اس سے اب صاف ہو گیا ہے کی اتر پردیش میں انصاف طلب کرنا بھی موت کو گلے لگانے کی مانند ہے۔شہر میں مہیلا کانگریس کمیٹی کی مظاہرین نے مرکزی حکومت اور بی جے پی کی خواتین کی نمائندگی کرنے والی خاتون رہنما سشما سوراج، سمرتی ایرانی، ہیما مالینی پر الزام لگاتے ہوئے کہاں کی وہ اناؤ معاملے میں خاموش کیوں ہیں، آخر کیوں یوگی آدتیہ ناتھ حکومت رکن اسمبلی کلدیپ سنگر کو کیوں بچانا چاہتی ہے۔

اجمیر شہر محلہ کانگریس کمیٹی نے ملک کے صدر جمہوریت رامناتھ کووند کے نام خط لکھ کر اناؤ ریپ کی شکار خواتین اور اس کے خاندان کو انصاف دیے جانے کا مطالبہ بھی کیا ہے۔