اجمیر: صحافی کی گرفتاری کے لیے ایک بار پھر مظاہرہ

راجستھان میں واقع اجمیر شریف درگاہ کے خادموں نے ایک نجی نیوز چینل کے صحافی کی گرفتاری کے لیے ایک بار پھر سے مظاہرہ کیا۔

چند روز قبل ایک نجی نیوز چینل پر لائیو ڈیبیٹ کے دوران مذکورہ چینل کے صحافی نے سلطانُ الہند حضرت خواجہ معین الدین چشتیؒ کی شان میں کستاخی کی تھی جس کے بعد ملک کے کئی شہروں میں احتجاج کر کے صحافی کو گرفتار کرنے کا مطالبہ کیا گیا تھا۔

حالانکہ مذکورہ صحافی نے بعد میں معذرت بھی طلب کی تھی لیکن آج ایک بار پھر سے اس کی گرفتاری کے لیے اجمیر میں احتجاج کیا گیا۔

اس مرتبہ درگاہ کے خادموں نے درگاہ بازار میں صحافی کی جلد گرفتاری کے لیے جگہ جگہ پوسٹرز لگائے ہیں۔

واضح رہے کہ خواجہ غریب نوازؒ کی شان میں گستاخی کے بعد مذکورہ صحافی کے خلاف ملک کے متعدد جگہوں پر ایک سو سے زائد مقدمات درج ہوئے تھے۔

درگاہ کے خادموں نے کہا کہ 'اگر صحافی کی جلد گرفتاری نہیں ہوئی تو آئندہ سخت احتجاج کیا جائے گا۔