پانچویں درجے کے بورڈ امتحان کے ٹائم ٹیبل میں اردو سبجیکٹ نہی ہونے کا معاملہ کافی طول پکڑتا ہوا نظر آ رہا ہے۔ راجستھان کے دارالحکومت جے پور میں اردو کے حوالے سے مسلم تنظیموں Protest of Muslim organizations in Jaipur کی جانب سے آج احتجاج کیا گیا اور راجستھان حکومت کے خلاف جم کر نعرے لگائے گئے۔ احتجاجیوں کے مطابق پانچویں درجے کی بورڈ امتحان کے ٹائم ٹیبل اردو کو ہٹا دیا گیا ہے اور مسلسل اردو کے ساتھ راجستھان حکومت کی جانب سے سوتیلا سلوک کیا جارہا ہے جس سے مسلم طبقے میں ناراضگی ہے۔
ویڈیو
اس سلسلے میں راجستھان اردو اساتذہ تنظیم کے ریاستی صدر امین قائم خانی نے میڈیا سے بات کرتے ہوئے بتایا کے گزشتہ کئی برسوں سے پانچوی بورڈ امتحان کے ٹائم ٹیبل سے اردو کو ہٹا دیا جارہا ہے جس کی وجہ سے طلبہ کو کافی پریشانیوں کا سامنا کرنا پڑرہا ہے۔