ریاست راجستھان کے جے پور میں اردو اساتذہ تنظیم اور دیگر سماجی اداروں کی جانب سے ایم ڈی ایس یونیورسٹی کی کتابیں جلاکر احتجاج کیاگیا۔
مظاہرین کا یہ الزام ہے کہ اس میں اقلیتی طبقہ بالخصوص مسلمانوں کے تعلق سے قابل اعتراض باتیں تحریر کی گئی ہیں۔
یہ مظاہرہ ریاستی مدرسہ بورڈ کے دفتر کے باہر ہوا۔ جس میں پیرا ٹیچرس اور دیگر مسلم تنظمیوں کے ذمہ داران نے شرکت کی۔
مظاہرین نےکتاب کے مصنف اور ریاستی حکومت کے خلاف نعرے بازی کی گئی۔
مظاہرین کا کہنا ہے کہ کتاب میں مسلمانوں کو دہشت گرد بتایا ہے اور کہا گیا ہے کہ دینی مدارس میں تعلیم کو بند کرنے کی بات کہی گئی ہے۔
اس موقع پر 'اردو اساتذہ تنظیم' کے ریاستی صدر امین قائم خانی کا کہنا ہے کہ آج بھی بازاروں میں اس طرح کتابیں مل رہی ہیں۔اس طرح کی باتیں لکھی ہوئی ہے جو ناقابل برداشت ہے۔ انہوں نے حکومت سے درخواست کی ہے کہ جلد سے جلد اس مصنف اور ناشر کے خلاف سخت کارروائی کی جائے اور ان کے خلاف ایف آئی آر درج کیا جائے۔