اجتماعی جنسی زیادتی کے خلاف ریلی

راجستھان کے ضلع الور کے تھانہ غازی حلقے میں اجتماعی جنسی زیادتی کے معاملے نے طول پکڑلیا ہے۔ آج عوام نے ایک ریلی نکال کرمظاہرہ کیا اور جلد ملزمین کو گرفتارکرنے کا مطالبہ کیا۔

تھانہ غازی میں مختلف تنظیموں نے ایک ریلی نکال کر مظاہرہ کیااور حکومت سے مطالبہ کیا کہ ملزمین کو جلد گرفتار کرکے سخت سزا دے تاکہ مستقبل میں کسی بھی انسان کے اندر جنسی زیادتی کرنے کی ہمت پیدا نہ ہو۔

مظاہرین نے انتظامیہ کو میمورنڈم بھی پیش کیا۔ انہوں نے کہا کہ جب تک انصاف نہیں مل جاتاوہ بازار بندکے ساتھ ہی مظاہرے بھی جاری رکھیں گے۔ حکومت نے حساس معاملے کو دیکھتے ہوئے تھانہ غازی میں اضافی پولیس فورسز تعینات کردیا ہے۔