اجمیر: محرم کی جلوس پر پابندی عائد

اجمیر میں کورونا وائرس کی وجہ سے مسلم علاقوں میں محرم الحرام کا جلوس نکالنے پر پابندی عائد کر دی گئی ہے، اس لئے عقیدت مند اپنے گھروں میں ہی تمام رسومات ادا کریں۔

ریاست راجستھان کے اجمیر شریف میں اس مرتبہ محرم الحرام کے جلوس پر پابندی عائد کر دی گئی اور ضلع انتظامیہ کے جانب سے مسلم علاقے کے ذمہ داران کے ساتھ درگاہ پولیس اسٹیشن پر ایک میٹنگ منعقد کی گئی۔

جس میں انتظامیہ نے واضح طور پر کہا کہ ”اس سال کورونا وائرس کی وجہ سے مسلم علاقوں میں محرم کا جلوس نکالنے کی اجازت نہیں دی جاسکتی ہے، اس لئے عقیدت مند اپنے گھروں میں ہی تمام رسومات ادا کریں۔

وہیں مسلم ذمہ داران کا مطالبہ تھا کہ ضلع پولیس چاہے تو کورونا وائرس کے درمیان سرکاری گائیڈ لائن پر عمل کرتے ہوئے کچھ عقیدت مندوں کو اجازت دے کر محرم الحرام کی رسم ادا کروا سکتی ہے۔

غور طلب ہیں کہ اجمیر شریف درگاہ اور مسلم علاقے میں محرم الحرام کا چاند دکھائی دینے کے ساتھ ہی حضرت امام حسینؓ اور کربلا کے ذکر کا آغاز ہو جاتا ہے۔